ბათუმში წყლისა და კანალიზაციის სარეაბილიტაციო სამუშაოები მე-3 ფაზაში გადავიდა. დღეს ქალაქის თვითმმართველობაში სარეაბილიტაციო სამუშაოებთან დაკავშირებით მუნიციპალიტეტისა და გერმანიის რეკონსტრუქციისა და განვითარების ბანკის წარმომადგენლებს შორის სამუშაო შეხვედრა გაიმართა.
გერმანიის რეკონსტრუქციისა და განვითარების ბანკი მომდევნო სამი წლის განმავლობაში, წყლისა და კანალიზაციის სისტემის რეაბილიტაციას ქალაქის გარეუბნებში განახორციელებს.
Kfw-პროექტის ფარგლებში, მესამე ეტაპისთვის დაახლოებით 51 მილიონი ევრო გამოიყოფა. ახალ ეტაპზე სამუშაოები დაიწყება თამარის დასახლებაში, გოროდოკში, ბარცხანაში, ჭაობსა და ჩაქვის მიმდებარე ტერიტორიებზე, კერძოდ, მახინჯაურსა და მწვანე კონცხზე, ასევე განხორციელდება სანიაღვრე სისტემების რეაბილიტაცია და ინდივიდუალური გამრიცხველიანება მთელი ქალაქის მასშტაბით.
როგორც ცნობილია, გერმანიის რეკონსტრუქციისა და განვითარების ბანკი ბათუმში წყლისა და საკანალიზაციოს სისტემის რეაბილიტაციის პროექტს 2007 წლიდან ახორცილებეს.
