ფინანსთა სამინისტროს მომსახურების სააგენტოს გენერალური დირექტორი გიორგი ჯავახიშვილი, საქველმოქმედო აქციის ფარგლებში, საქართველოს საპატრიარქოს წმინდა კეთილმსახური მეფე თამარის სახელობის სკოლა-პანსიონს ესტუმრა. სკოლა-პანსიონში სწავლობს ხელოვნების ნიჭით დაჯილდოვებული 450 მოსწავლე თბილისიდან, მაღალმთიანი აჭარიდან, ჰერეთიდან და საქართველოს სხვადასხვა კუთხიდან. სადღეღამისო პანსიონში მათგან 102 მოსწავლეა.
სააგენტომ მეფე თამარის სახელობის სკოლა-პანსიონს გადასცა ლენტური ხერხი, ტანსაცმელი, საკვები პროდუქტი და საყოფაცხოვრებო ნივთები.
„ძალიან მნიშვნელოვანია სახელმწიფოს მხარდაჭერა მსგავსი სკოლებისათვის, ამ სკოლაში ყველანაირი პირობაა იმისა, რომ ბავშვები სრულფასოვნად განვითარდნენ. ლენტური ხერხი, რომელიც ამ სკოლას გადავეცით, დაეხმარება მათ აღსაზრდელებს ხელობას დაეუფლონ, ჩვენ ყოველთვის ვეცდებით მათ გვერდში დგომას " - განაცხადა მომსახურების სააგენტოს ხელმძღვანელმა.
მომსახურების სააგენტომ, წმინდა კეთილმსახური მეფე თამარის სახელობის სკოლა-პანსიონს 17 800 ლარის ნივთები გადასცა.