დსთ-ის ქვეყნებთან საგარეო სავაჭრო ბრუნვამ 2013 წლის იანვარში 219 მლნ. აშშ დოლარი შეადგინა (2012 წლის იანვართან შედარებით 2 პროცენტით მეტი). აქედან ექსპორტმა 88 მლნ. აშშ დოლარს (10 პროცენტით მეტი), ხოლო იმპორტმა - 132 მლნ. აშშ დოლარს მიაღწია (3 პროცენტით ნაკლები).
საქართველოს საგარეო სავაჭრო ბრუნვაში დსთ-ის ქვეყნების წილი 33 პროცენტი იყო, მათ შორის ექსპორტში 45 პროცენტი და იმპორტში 28 პროცენტი. (2012 წლის იანვარში - შესაბამისად 33, 51 და 27
პროცენტი). დსთ-ის ქვეყნებზე მოდიოდა სავაჭრო დეფიციტის 16 პროცენტი (2012 წლის იანვარში - 17 პროცენტი). 2013 წლის იანვარში, წინა წლის შესაბამის პერიოდთან შედარებით, აღნიშნულ ქვეყნებთან
უარყოფითი სავაჭრო სალდო 23 პროცენტით შემცირდა.
2013 წლის იანვარში საქართველოში საქონლით საგარეო სავაჭრო ბრუნვამ (არაორგანიზებული ვაჭრობის გარეშე) 665 მლნ. აშშ დოლარი შეადგინა, რაც წინა წლის მაჩვენებელზე 1 პროცენტით მეტია;
"საქსტატის" ინფორმაციით, იანვარში მთლიან საგარეო ბრუნვაში ექსპორტმა 196 მლნ. აშშ დოლარი შეადგენა (25 პროცენტით მეტი), ხოლო იმპორტმა - 468 მლნ. აშშ დოლარი (6 პროცენტით ნაკლები).
საქართველოს უარყოფითმა სავაჭრო ბალანსმა 2013 წლის იანვარში 272 მლნ. აშშ დოლარი და საგარეო სავაჭრო ბრუნვის 41 პროცენტი შეადგინა.