„თეგეტა მოტორსის" ახალგაზრდა და პერსპექტიულმა მრბოლელმა პირველობა არავის დაუთმო და ზამთრის სეზონი 2012-2013 გამარჯვებით დაასრულა.
რუსთავის საერთაშორისო ავტოდრომზე ზამთრის სეზონის ბოლო შეჯიბრი ჩატარდა მოყვარულთა შორის წყვილთა რბოლაში. ავტორბოლა მთელი დღის განმვალობაში მიმდინარეობდა, თუმცა დაძაბული ბრძოლის შემდეგ კატეგორიაში „წინა წამყვანი თვლები" პირველი ადგილი „თეგეტა მოტორსის" ახალგაზრდა და პერსპექტიულმა მრბოლელმა, 17 წლის შაკო ციხელაშვილმა დაიკავა.
რბოლის დასასრულს ტრადიციულად გაიმართა ავტორბოლა აბსოლუტურ ჩათვლაში, სადაც მონაწილეობას იღებდნენ როგორც პროფესიონალები, ისე მოყვარულები სხვადასსხვა ავტომობილებით. შაკო ციხელაშვილმა აღნიშნულ რბოლაშიც წარმატებას მიაღწია, და წარმოუდგენელი შედეგებით, მესამე ადგილი მოიპოვა.
შაკო ციხელაშვილი მომავალშიც დაიცავს „თეგეტა მოტორსის" ღირსებას ავტო სპორტის სხვადასხვა სახეობებში.
მასალის გამოყენების პირობები