,,ქვეყანაში ზიზღის თესვის ისტერიაა, რომელსაც, ხელისუფლების ზოგიერთი წარმომადგენელი ნავთს ასხამს", -განაცხადა პარლამენტის სესიაზე ,,ნაციონალური მოძრაობის" წევრმა დავით საყარელიძემ და აღნიშნა, რომ გამორიცხული არ არის ასეთ შემთხვევაში პროცესებმა ქუჩაში გადაინაცვლოს.
"ქვეყანაში არის მასიური ისტერია - ზიზღის თესვის ისტერია, რომელსაც, სამწუხაროდ, ხელისუფლების ზოგიერთი წარმომადგენელი ნავთს ასხამს. ეს ნამდვილად არ მიგვიყვანს კარგ შედეგამდე. რას ველოდებით? სანამ ვინმე ჩვენი სახელით ან ჩვენს წინააღმდეგ ვიღაცას არ მოკლავს და შემდეგ ეს გაუკონტროლებელ პროცესებში გადაიზრდება? რას მივიღებთ ამისგან, არ მესმის. ძალიან კარგად ვიცით, რომ ვერავინ ვერავის გაატყავებს, მაგრამ ზიზღის თესვა იმ ადამიანებისთვის, რომლებიც შეიძლება გაბრაზებულები, ნაწყენები, ან სასჯელაღსრულების დაწესებულებიდან ახალი გამოსულნი არიან, საშიში სიგნალი იყოს", - განაცხადა საყვარელიძემ.
