2012 წელს 2011 წელთან შედარებით აჭარაში სასტუმროების რაოდენობა 5 %-ით გაიზარდა.
როგორც სააგენტო „ჯი-ეიჩ-ენს" აჭარის ტურიზმის დეპარტამენტში განუცხადეს, 2011 წელს აჭარაში 265 სასტუმრო იყო, ხოლო 2012 წელს კი მათი რაოდენობა 278 სასტუმრომდე გაიზარდა.
სასტუმროების ზრდამ გამოიწვია სასტუმრო ნომრების და შესაბამისად სასტუმრო ადგილების ზრდა.
სტატისტიკური ინფორმაციის მიხედვით, 2012 წელს აჭარაში სასტუმრო ადგილთა რაოდენობა 10367 ერთეულით იყო განსაზღვრული, მაშინ როდესაც 2011 წელს აჭარაში სასტუმრო ადგილების რაოდენობა 10252 ერთეულს შეადგენდა.
ბოლო პერიოდში გაზრდილია ასევე კერძო სექტორში სასტუმრო ადგილების რაოდენობაც.
2005 წელს აჭარა მხოლოდ 58 სასტუმროთი იყო წარმოდგენილი, ხოლო 2006 წელს რეგიონში სასტუმროების რაოდენობა უმნიშვნელოდ - 66 ერთეულამდე გაიზარდა.
2007 წელს აჭარაში 73 სასტუმრო ფუნქციონირებდა, 2008 წელს - 99 სასტუმრო. 2010 წელს აჭარაში სულ 103 სასტუმრო იყო, ხოლო 2011 წელს კი 243 სასტუმრო.
