2012 წელს სომხეთიდან საქართველოში 7,5 ტონა მაწონისა და ე.წ. „ტანას" (მაწვნის სასმელი) ექსპორტი განხორციელდა, აღნიშნულის შესახებ განცხადებას სომხეთის სახელმწიფო შემოსავლების სამსახურში აკეთებენ. როგორც სომხური მედია იტყობინება, ეს პირველი მცდელობაა, როდესაც სომხური რძის პროდუქტების მწარმოებელი კომპანიების პროდუქცია ქვეყნის გარეთ ასე დიდი მოცულობით გავიდა.
სტატისტიკური ინფორმაციის თანახმად, 2011 წელს სომხეთიდან 60 კგ. ე.წ. „ტანას" ექსპორტი განხორციელდა. 2011 წელს „ტანას" საჩვენებელი ექსპორტი მხოლოდ უკრაინაში მოხდა, თუმცა 2012 წელს უკრაინაში სომხური რძის პროდუქტების იმპორტი აღარ მომხდარა.
სომხეთის რძის პროდუქტების მწარმოებელი კომპანიები 2012 წელს აქტიურობით გამოირჩეოდნენ. სომხური მედიის ინფორმაციით, 2012 წელს ფაქტობრივად გაორმაგდა ყველისა და რძის ექსპორტი.
