შეხვედრაზე განიხილეს კომისიის დადგენილება, რომლის მიხედვითაც კომპანიებს ევალებათ მოქალაქეთა მაღალხარისხიანი მომსახურების უზრუნველყოფა. კომისიის მიერ დადგენილი მომსახურების კომერციული სტანდარტების დარღვევის შემთხვევაში, მომხმარებელთა ფულადი კომპენსაცია.

შეხვედრის მიმდინარეობისას როგორც გურამ ჩალაგაშვილმა აღნიშნა, 2012 წლის განმავლობაში კომისიაში შემოვიდა მოქალაქეთა 1072 განცხადება/საჩივარი კომპანიების წინააღმდეგ. ელექტროენერგეტიკის, ბუნებრივი გაზისა და წყალმომარაგების სექტორები). გარდა ამისა, 2012 წლის განმავლობაში კომისიასთან არსებულმა მომხმარებელთა ინტერესების საზოგადოებრივი დამცველის სამსახურმა მიიღო და კომისიის საჯარო სხდომაზე განსახილველად გამოიტანა მოქალქეთა 424 განცხადება/საჩივარი. დავის საგანს, ძირითადად, წარმოადგენდა ენერგეტიკისა და წყალმომარაგების სექტორებში მოქმედი კომპანიების მხრიდან მომხმარებელთა უფლებების დარღვევა და მათ მიერ თანხების უსაფუძვლოდ დარიცხვა.

2012 წლის განმავლობაში, კომისიის საჯარო სხდომებზე მოქალაქეებსა და კომპანიებს შორის არსებული დავების განხილვის შედეგად, კომპანიების მიერ მომხმარებელთათვის დარიცხული თანხებიდან, კომისიამ უსაფუძვლოდ მიიჩნია და მომხმარებლებს ჩამოაწერა სულ 987 359.76 ლარი. (აღნიშნული ინფორმაცია დეტალურად იქნება მოყვანილი კომისიის 2012 წლის ანგარიშში).

აღსანიშნავია, რომ კომპანიების მხრიდან მოქალაქეებზე თანხების უსაფუძვლოდ დარიცხვის ფაქტები საკმაოდ ხშირია. ბოლო სამი წლის განმავლობაში (2010 წლიდან 2012 წლის ჩათვლით) კომპანიების მიერ მომხმარებლებისათვის დარიცხული თანხებიდან, კომისიამ სულ 2 523 112, 36 ლარის დარიცხვა მიიჩნია უსაფუძვლოდ.

მომხმარებელთა უფლებების დარღვევის გამო, 2012 წლის განმავლობაში კომისიის მიერ სახელმწიფო ბიუჯეტის სასარგებლოდ დაჯარიმდნენ შემდეგი კომპანიები: შპს "ჯორჯიან ვოთერ ენდ ფაუერი" - ჯამში 65 ათასი ლარით; შპს "საქართველოს გაერთიანებული წყალმომარაგების კომპანია" - 5000 ლარით; სს "ენერგო პრო ჯორჯია" - 5000 ლარით;