მცირე და საშუალო ბიზნესის წარმომადგენელთათვის, შემოსავლების სამსახურის, რუსთავის სერვის ცენტრში, ღია კარის დღე გაიმართა. როგორც შემოსავლების სამსახურში განმარტავენ, შეხვედრაზე, შემოსავლების სამსახურის წარმომადგენლებმა, დაინტერესებულ პირებს საგადასახადო კანონმდებლობაში განხორციელებული ცვლილებები გააცნეს და პრეზენტაციის განხილვის პროცესში წამოჭრილი, აქტუალური საკითხების შესახებ, კვალიფიციური კონსულტაცია გაუწიეს.
რუსთავში გამართულ შეხვედრაზე, ბიზნესის წარმომადგენლებს შემოსავლების სამსახურის მიერ შემუშავებული, პერსონალური მომსახურების პაკეტი -Privé წარუდგინეს. PRIVE-ს პირადი მრჩევლის საშუალებით, მომხმარებელი ოპერატიულად იღებს სხვადასხვა ტიპის მომსახურებას, მათ შორის საჯარო ინფორმაციას, საკუთარ ბიზნესსაქმიანობასთან დაკავშირებულ სამართლებრივ განმარტებებს და სხვა. მრჩეველი ინდივიდუალურად შეისწავლის კონკრეტულ საკითხებს და ეხმარება კლიენტს ვალდებულების სწორად და ზუსტად განსაზღვრაში. PRIVE მომხმარებელს მისთვის მოსახერხებელ დროსა და სივრცეში ემსახურება, რაც თავის მხრივ, საგადასახადო ორგანოსთან ურთიერთობას, კიდევ უფრო ამარტივებს.
ღია კარის დღეები საქართველოს მასშტაბით, რეგულარულად იმართება.
