,,თუ ენერგეტიკის საკითხებზე ვისაუბრობთ პოლიტიკა გვერდზე უნდა გადავდოთ", _ განაცხადა კალაძემ მთავრობის სხდომის დასრულების შემდეგ და აღნიშნა, რომ ,,ენგურ ჰესის" მწყობრში მოყვანა ქართული მხარისთვისაც მნიშვნელოვანია.
,,თემა საკმაოდ მნიშვნელოვანი და საინტერესოა. აფხაზეთის ელექტროენერგიით მომარაგება ხდება ,,ენგურ ჰესის" ხარჯზე და, რა თქმა უნდა, არსებული ქსელის რეაბილიტაცია, მწყობრში მოყვანა ჩვენთვისაც მნიშვნელოვანი იქნება", - განაცხადა კალაძემ.
შეგახსენებთ, რომ სააგენტო "აპსნი პრესმა" გაავრცელა კომპანია "ჩერნომორენერგოს" მიმართვა დე-ფაქტო პრეზიდენტისა და პარლამენტის მიმართ. მიმართვაში აღნიშნულია, რომ აფხაზეთში ელექტროენერგიის მოხმარებამ კრიტიკულ ზღვარს მიაღწია და მთლიანად სფეროში მძიმე ვითარებაა. მიმართვას კომპანიის 761 თანამშრომელი აწერს ხელს. ისინი დე ფაქტო ხელისუფლებას დარგის შესანარჩუნებლად ზომების მიღებას სთხოვენ.
