შემოსავლების სამსახურის ინფორმაციით, თურქეთიდან შემომავალი, კარტოფილის კიბოთი დაავადებული კარტოფილით სავსე კონტეინერი, სარფის საბაჯოზე, ევროკავშირის მიერ დამტკიცებული რისკების პროგრამით, მონიტორინგს დაექვემდებარა.
შემოსავლების სამსახურის, საბაჟო დეპარტამენტის სანიტარული და ფიტო-სანიტარული და არასატარიფო ღონისძიებების სამმართველოს თანამშრომლების მიერ, საბაჟო პროცედურების სრული დაცვითა და მონიტორინგის გეგმის თანახმად, აღებულ იქნა და სპეციალურ ლაბორატორიაში გადაიგზავნა კარტოფილის სინჯები. ინფორმაცია მიეწოდა სურსათის უვნებლობის სამსახურსაც. კარტოფილის კიბო საკარანტინო დაავადებაა. ამჟამად ტვირთი დაყადაღებულია და ექვემდებარება განადგურებას.