ქართული დელეგაცია, რომელიც რუსეთში ბაზრის გახსნასთან დაკავშირებით მოლაპარაკებებს აწარმოებდა საქართველოში ხვალ, 7 თებერვალს დაბრუნდება. როგორც სოფლის მეურნეობის მინისტრმა დავით კირვალიძემ განმარტა, პოზიტიური გადაწყვეტილება უკვე მიღებულია ალკოჰოლური სასმელებისა და მინერალურ წყლებთან მიმართებაში.
სოფლის მეურნეობის მინისტრის განმარტებით, რუსეთის მთავარ სანიტარულ ექიმთან გენადი ონიშჩენკოსთან შეხვედრაზე მიღწეული იქნა შეთანხმება, რომ უახლოეს დღეებში საქართველოში რუსი სპეციალისტების 3 ჯგუფი გამოემგზავრება. ისინი იმ კომპანიებს შეამოწმებენ, რომლებიც გამოთქვამენ სურვილს დაიწყონ პროდუქციის შეტანა რუსულ ბაზარზე. ყველა მსურველი გაივლის შემოწმებას.ქართული სასმელები რუსულ ბაზარზე, სავარაუდოდ, გაზაფხულზე შევა.
„მომავალი კვირიდან ველით 3 ჯგუფს ინსპექტირებისას, რომელსაც გენადი ონიშენკოს უწყება გამოგზავნის. ამაზე შეთანხმება უკვე მიღწეულია, ზუსტი თარიღები დგინდება და ისინი ადგილზე გასწევენ ყველა მსურველის ინსპექტირებას"- განაცხადა დავით კირვალკიძემ.
მინისტრის თქმით, ვინც სურვილს გამოთქვამს ყველა კომპანია გაივლის ინსპექტირებას და ინსპეტირების გავლისა და სათანადო ნორმების დაკმაყოფილების შემდეგ მათთვის რუსული ბაზარი გაიხსნება.
მასალის გამოყენების პირობები
