წელს საქართველო ორ ძირითად ვალს გაისტუმრებს. როგორც ფინანსთა მინისტრმა ნოდარ ხადურმა დღევანდელ ბრიფინგზე განმარტა, საერთაშორისო სავალუტო ფონდისგან წელს ქვეყანა ფინანსურ დახმარებას არ ელოდება. უფრო მეტიც საქართველო წელს საერთაშორისო სავალუტო ფონდის ვალს გაისტუმრებს. ფინანსთა მინისტრის გათვლებით, აღნიშნული ვალის გასტუმრება წლის პირველ ნახევარში მოხდება.
„ დაახლოებით 360 მილიონ ლარი გვაქვს ბიუჯეტში, რათა ორ ვალს მოვემსახუროთ, ეს არის სავალუტო ფონდის ვალი და მეორე, შეგახსნებთ, რომ 2008 წელს საქართველომ გამოუშვა ობლიგაციები, ამ ობლიგაციების ნაწილი 2011 წელს გადაიფარა, მაგრამ დარჩა 40 მილიონი დოლარი. ამ 40 დოლარს ჩვენ მოვემსახურებით და კვლავ დავაბრუნებთ. ეს იქნება უპრეცედენტო შემთხვევა, როდესაც საქართველო დაიწყებს ვალების მომსახურებას", - განაცხადა ნოდარ ხადურმა.
მასალის გამოყენების პირობები