ევროკავშირი ირანისგან ოფიციალურ დადასტურებას ითხოვს, „ექვსეულთან" მოლაპარაკებების ახალი რაუნდის განახლების შესახებ, რომელიც ყაზახეთში, 25 თებერვალს გაიმართება. ამის შესახებ ინფორმაციას სააგენტო „როიტერი" ქეთრინ ეშტონზე დაყრდნობით ავრცელებს.
ცოტა ხნით ადრე, ირანის საგარეო საქმეთა მინისტრმა, ალი აკბარ სალეჰიმ, მიუნხენის უსაფრთხოების კონფერენციაზე გამოსვლისას განაცხადა, რომ თეირანი მზადაა მოლაპარაკებათა შემდეგი ეტაპი ყაზახეთში, „ექვსეულთან" გამართოს. „ექვსეულში" შედიან: აშშ, რუსეთი, ჩინეთი, საფრანგეთი, დიდი ბრიტანეთი და გერმანია.
2012 წელს მსგავსი მოლაპარაკებები სამ რაუნდად გაიმართა: 14 აპრილს სტამბოლში, 23-24 მაისს - ბაღდადში და 18-19 ივნისს - მოსკოვში. ყველა ეს შეხვედრა კონკრეტული გადაწყვეტილებების მიღების გარეშე დასრულდა.
მასალის გამოყენების პირობები
