ერთ-ერთი სერბული ტელეარხის ჟურნალისტები ქვეყნის პრემიერ-მინისტრს, ივიც დაჩიჩს გაეხუმრნენ. მათ პრემიერი ტელეშოუში დაპატიჟეს, სადაც წამყვანი ქალი ზედმეტად მოკლე კაბაში იყო გამოწყობილი, ხოლო თეთრეული არ ემოსა.
პრემიერის და ჟურნალისტის საუბარს ფარული კამერა იღებდა. თავდაპირველად, ქალი, თავისი თამამი კაბით, რომელიც სხეულს მცირედ ფარავდა, ღიად ცდილობდა დაჩიჩის პროვოცირებას, ხოლო შემდეგ ისე დაჯდა, რომ პრემიერს თვალწინ სრული სურათი გადაეშალა. კამერებმა არა მხოლოდ ეს კადრი, არამედ პოლიტიკოსის დაინტერესებული რეაქციაც დააფიქსირეს.
სკანდალური ვიდეორგოლი იუთუბზე აიტვირთა და ერთი დღე-ღამის განმავლობაში მილიონზე მეტი ნახვა მოაგროვა, თუმცა, ინციდენტმა სერბეთის ჟურნალისტთა ასოციაციის მკვეთრი კრიტიკა დაიმსახურა. ჟურნალისტთა განცხადებით, დაირღვა ჟურნალისტის ეთიკის და პროფესიონალიზმის სტანდარტები, ხოლო ეს ინციდენტი შეიძლება შეფასდეს, როგორც პორნოგრაფია და არა პროვოკაცია მედიისგან. ეს დიდი სირცხვილია - აღნიშნავენ ჟურნალისტები. თავად პრემიერს ამ თემაზე კომენტარი არ გაუკეთებია.
