უამრავი მშობელი და საეკლესიო ლიდერი სვამს კითხვას, როგორ უნდა მოხდეს ახალგაზრდების ცხოვრებაში მყარი რწმენის ეფექტური კულტივირება. ამერიკული ორგანიზაცია ხუთი წლის განმავლობაში ატარებდა კვლევას და განიხილავდა გამოწვევებს, რომელიც მოზარდებს და ახალგაზრდებს შორის რელიგიასთან მიმართებაში არსებობს.
პროექტი რვა ეროვნული გამოკვლევისაგან შედგებოდა, რომელიც მოზარდების, ახალგაზრდების, მათი მშობლების, ახალგაზრდების მღვდლების და საეკლესიო მღვდლების გამოკითხვისაგან შედგა. კვლევა ეყრდნობოდა კითხვას, თუ რამდენად ხშირად დადიოდნენ ახალგაზრდები ქრისტიანულ ეკლესიაში და რა შეიცვალა მათ საეკლესიო ცხოვრებაში 15 წლის ასაკის ზემოთ. გაირკვა, რომ ხუთიდან სამი ქრისტიანი შორდება ეკლესიას სამუდამოდ, ან ძალიან დიდი ხნით ცხოვრებაში. საამისო მიზეზები კი ორგანიზაციამ ასე ჩამოაყალიბა.
მიზეზი პირველი - ეკლესია ეჩვენებათ ძალიან შემზღუდველად
თანამედროვე ახალგაზრდების ხასიათიდან გამომდინარეობს, რომ მათ სურთ ფართო წვდომა ჰქონდეთ მსოფლიოს იდეებზე და ხედვებზე, ასევე, პოპულარულ კულტურებზე. როგორც ქრისტიანები, ისინი გამოთქვამენ სურვილს, რომ ქრისტეს რწმენა გააერთიანონ მსოფლიოსთან, სადაც ისინი ცხოვრობენ. ახალგაზრდები განიცდიან იმას, რომ ქრისტიანობა დაფუძნებულია შიშზე და რისკისგან გაქცევაზე. მათი ნაწილის აზრით, ეკლესია იგნორირებას უკეთებს დანარჩენ მსოფლიოს, ნაწილი თვლის, რომ მისი ეკლესია ზედმეტად არაშემწყნარებელია ფილმების, მუსიკის, ვიდეოთამაშების მიმართ.
მიზეზი მეორე - მოზარდები და ახალგაზრდები 20 წლის შემდეგ, ქრისტიანობას უყურებენ, როგორც რაღაც არამიწიერს
მიზეზი, რის გამოც ახალგაზრდები ეკლესიას ტოვებენ, მდგომარეობს იმაში, რომ მათ რაღაც არ ჰყოფნით ეკლესიიდან. მათი მესამედი აცხადებს, რომ ეკლესიაში მოწყენილობაა. მეოთხედის აზრით, რწმენას არანაირი კავშირი არ აქვს მათ კარიერასა და ინტერესებთან, ხოლო ნაწილის განცხადებით, ბიბლია სიღრმისეულად არ ისწავლება.
მიზეზი მესამე - ეკლესია მტრულად განწყობილია მეცნიერების მიმართ
ერთ-ერთი მიზეზი, რის გამოც ახალგაზრდები ეკლესიისაგან განყენებულად მიიჩნევენ თავს, ეს ქრისტიანობას და მეცნიერებას შორის დაძაბული ურთიერთობაა, როგორც ისინი მიიჩნევენ. მათი აზრით, ქრისტიანობა ზედმეტად დარწმუნებულია იმაში, რომ ყველა კითხვაზე პასუხი აქვს. ნაწილის განცხადებით, რელიგია ფეხს ვერ უწყობს იმ სამყაროს, სადაც ვცხოვრობთ. სხვები თვლიან, რომ ქრისტიანობა - ეს ანტიმეცნიერებაა.
მიზეზი მეოთხე - ახალგაზრდა ქრისტიანების სექსუალური ცხოვრება, ეკლესიიგან ხშირად დაგმობილია
20 წლამდე ახალგაზრდები, რელიგიისგან სიძნელეებს აწყდებიან სექსის და სექსუალობის თემასთან დაკავშირებით. ახალგაზრდებისთვის გაუგებარია, როგორ უნდა იცხოვრო იმ თანამედროვე კულტურასა და სამყაროში, სადაც ეკლესია სექსუალურ სიწმინდეს მოითხოვს, მით უმეტეს, როცა საქორწინო ასაკმა საკმაოდ აიწია ზემოთ. კვლევები გვიჩვენებს, რომ ახალგაზრდა ქრისტიანების უმრავლესობა სექსუალურად ზუსტად ისეთივე აქტიურია, როგორც მათი არაქრისტიანი თანატოლები. ისინი ხშირად აცხადებენ, რომ ეკლესიის აზრით, მათ დაუშვეს შეცდომა და თავს გრძნობენ ეკლესიისაგან განკითხულებად. ეს პრობლემა განსაკუთრებით კათოლიკებში დგას, რომელთა აზრითაც ეკლესიის მოზარებები ამ თემაზე ძალიან მოძველებულია.
მიზეზი მეხუთე - მათთვის ძნელია ქრისტიანობის ექსკლუზიური ბუნების მიღება
თანამედროვე ახალგაზრდები ყველაზე ეკლექტიკურები არიან ამერიკის ისტორიაში, რაც შეეხება დამოკიდებულებებს რასებთან, ეთნოსებთან, სექსუალობასთან, რელიგიასთან, ტექნოლოგიურ ინსტრუმენტებთან და ასე შემდეგ. ახალგაზრდების უმრავლესობას სურს, მოძებნოს საერთო სხვა კულტურებთან. ახალგაზრდა ქრისტიანები აცხადებენ, რომ ეკლესიას სხვა რელიგიების ეშინია, ამიტომ ისინი იძულებული არიან გააკეთონ არჩევანი ეკლესიასა და საკუთარ მეგობრებს შორის. ახალგაზრდების ნაწილი იმასაც აცხადებს, რომ ეკლესია ეს სოფლის კლუბია, რომელიც მხოლოდ თავისიანებისთვისაა.
მიზეზი მეექვსე - ეკლესია მტრულად არის განწყობილი მათ მიმართ, ვინც ეჭვობს
ახალგაზრდა ქრისტიანების აზრით, ეკლესიაში არ არის მათი ადგილი, ვინც საკუთარ ეჭვებს გამოთქვამს. ისინი თავს უსაფრთხოდ ვერ გრძნობენ, როცა აღიარებენ, რომ ზოგჯერ ქრისტიანობა აზრს კარგავს. ბევრი კი თვლის, რომ მათ კითხვებს ეკლესია ხშირად ბანალურად პასუხობს. ყველაზე მწვავე ცხოვრებისეულ კითხვებზე, ეკლესიაში პასუხის გაცემა შეუძლებელია, ხოლო რწმენა მათ ვერ შველის დეპრესიიდან გამოსასვლელად ან სხვა ემოციური პრობლემის დასაძლევად.
