„ქართული ოცნება" და მისი ლიდერები ჯერ კიდევ ვერ ხვდებიან, რომ ხელისუფლებაში იმყოფებიან, - ასე შეაფასა საპარლამენტო უმცირესობის წევრმა გოკა გაბაშვილმა ზუგდიდში დღეს მომხდარი ინციდენტი.
მისი თქმით, აღმაშფოთებელია ის ფაქტი, რომ ხელისუფლება საკონსტიტუციო ცვლილებების ნორმალური განხილვის მოწყობაზე ზრუნვის ნაცვლად, ოპოზიციის წევრების ფიზიკური და სიტყვიერი შეურახყოფით არის დაკავებული.
"ქართული ოცნება" და მისი ლიდერები ჯერ კიდევ ვერ ხვდებიან, რომ ხელისუფლებაში იმყოფებიან. ამიტომ, მომხრეების მობილიზებასა და ოპოზიციის წევრებზე თავდასხმას აგრძელბენ", - განაცხადა გაბაშვილმა და აღნიშნა, რომ იმის ნაცვლად რომ ნორმალური განხილვა გამართულიყო, „ქართულმა ოცნებამ" საკუთარი აქტივისტების მობილიზება მოახდინა. ამ ადამიანებმა კი განხილვა პრაქტიკულად ჩაშალეს და არავის არ მისცეს საუბრის საშუალება.
შეგახსენებთ, რომ ზუგდიდში დღეს საკონსტიტუციო ცვლილებების სახალხო განხილვა მიმდინარეობდა. განხილვაზე მისულ უმცირესობის წევრებს, აკაკი ბობოხიძესა და აკაკი მინაშვილს მოსახლეობა გაღიზიანებით შეხვდა. ხოლო ბობოხიძის მანქანას კვერცხები ესროლეს.
