ვაკე-საბურთალოს პოლიციაში ჯაზმენ ბექა გოჩიაშვილზე განხორციელებულ ზეწოლას კატეგორიულად უარყოფენ. როგორც ვაკე-საბურთალოს პოლიციის სამმართველოს უფროსმა გრიგოლ ბესელიამ განმართა ბექა გოჩიაშვილი მშობელთან ერთად დაიკითხა და დაკითხვისას პოლიციელების მხრიდან არანაირ ზეწოლას ადგილი არ ჰქონია.
,,ბექა გოჩიაშვილი დაბარებული იყო ქურდობის ფაქტთან დაკავშირებით მოწმის სახით თავის მშობელთან ერთად. მისი დაკითხვა მიმდინარეობდა მისი მშობლის თანდასწრებით, რადგან გოჩიაშვილია არასრულწლოვანია. დაკითხვაზე არანაირ ზეწოლას ადგილი არ ჰქონია. დაკითხვის შემდეგ როცა დატოვეს პოლიცია არანაირი პრეტენზია მას და მის მშობელს არ გამოუთქვამს", -განაცხადა გრიგოლ ბესელიამ.
შეგახსენებთ, რომ 16 წლის ჯაზმენი ბექა გოჩიაშვილი სამართალდამცავებს ზეწოლაში ადანაშაულებს. როგორც ,,რუსთავი-2"-თან საუბარში გოჩიაშვილმა განაცხადა იგი რვა იანვარს ვაკე-საბურთალოს პოლიციაში მისი მეგობრის ბინის ქურდობის ფაქტზე მოწმის სტატუსით დაიბარეს და ექვსი საათის განმავლობაში კითხავადნენ. გოჩიაშვილის განცხადებით, პოლიციელები მას ანგარიშსწორებით ემუქრებოდნენ.