დღეს ფინანსური მონიტორინგის სამსახურში თბილისის მერიის ტრანსპორტის საქალაქო სამსახურის უფროსი აკაკი ჯოხაძე დაიბარეს. ტრანსპორტის სამსახურის უფროსი ფინანსური მონიტორინგის სამსახურმა, "ნაციონალური მოძრაობის" პოლიტიკური დაფინანსების კანონშესაბამისობის საკითხთან დაკავშირებით, მიმდინარე საქმისწარმოების პროცესში დეტალების გასარკვევად დაიბარა.
როგორც თბილისის მერიის მიერ გავრცელებულ განცხადებაშია აღნიშნული, ფინანსური მონიტორინგის სამსახურმა "მოქალაქეთა პოლიტიკური გაერთიანებების შესახებ" საქართველოს ორგანული კანონით მონიჭებული უფლებამოსილების ფარგლებში, საქართველოს მთავარი პროკურატურიდან მიღებული მასალების საფუძველზე, ადმინისტრაციული წარმოება, პოლიტიკური დაფინანსების კანონთან შესაბამისობის საკითხის დადგენის უზრუნველსაყოფად, წინა კვირას დაიწყო.
