ქუთაისის საკრებულოს ფრაქცია "ქრისტიან-დემოკრატების" წევრმა, გოგიტა გოგელაშვილმა ფრაქციის რიგები დატოვა.
გეგელაშვილი საკრებულოში ჯერჯერობით მხოლოდ დამოუკიდებელ დეპუტატად დარჩება. თუმცა, ის სამომავლოდ არ გამორიცხავს, რომ საკუთარი მოღვაწეობა "ნაციონალურ მოძრაობას" დაუკავშიროს.
მისივე თქმით, ის მზადაა აქტიური პოლიტიკური მოღვაწეობისთვის, რის საშუალებასაც მას ამ ეტაპზე "ქრისტიან-დემოკრატიული მოძრაობა" არ აძლევდა.
ფრაქცია "ქრისტიან-დემოკრატები" გოგელაშვილის წასვლის შედეგად დაიშალა. ფრაქცია სამი წევრისგან შედგებოდა.
