,,ვერცერთი დეპუტატი უმცირესობიდანაც კი ვერ გაბედავს, რომ საკონსტიტუციო ცვლილებების წინააღმდეგი წავიდეს", _ განაცხადა ბიძინა ივანიშვილმა მედიაკავშირ ,,ობიექტივის" ხელმძღვანელთან ირმა ინაშვილთან ინტერვიუში საკონსტიტუციო ცვლილებების კომენტირებისას.
,,ვერცერთი დეპუტატი უმცირესობიდანაც კი ვერ გაბედავს, რომ საკონსტიტუციო ცვლილებების წინააღმდეგი წავიდეს. იმდენად აშკარაა, რომ ეს არის დიქტატურაზე აგებული კონსტიტუცია, რომ ვერცერთი დეპუტატი უმცირესობიდანაც კი ვერ შეეწინააღმდეგება. შეიძლება 1-2-3_კაცი თავგანწირული გამოდგეს ვინც საკონსტიტუციო ცვლილებებს კრიტიკა დაუწყოს", -განაცხადა პრემიერ-მინისტრმა ივანიშვილმა და აღნიშნა, რომ საკონსტიტუციო ცვლილებების წინაღმდეგ წასვლა დეპუტატებს მომავალს გაუნადგურებს.
,,ჩემი აზრით, ამის წინააღმდეგ წასვლა მომავალს გაუნადგურებს ყველა დეპუტატს. რას უნდა შეეწინააღმდეგონ მათ ვაძლევთ განუსაზღვრელ საკონსტიტუციო უფლებებს, ნორმალურ დემოკრატიულ ქვეყანას რაც შეეფერება და სიმახინჯეს, რომელიც ტიპიურ დიქტატურაზეა აგებული ვაუქმებთ", _განაცხადა ივანიშვილმა.
შეგახსენებთ, რომ საკანონმდებლო ორგანოში წარდგენილია ინიციატივა კონსტიტუციიდან 42-ე პრიმა მუხლის ამოღების შესახებ, რომლის თანახმადაც, საკანონმდებლო ორგანოს ადგილმდებარეობად მხოლოდ ქალაქი ქუთაისია მინიშნებული. ასევე წარდგენილია ინიციატივა პრეზიდენტისათვის მთავრობის ერთპიროვნულად დანიშვნის უფლებამოსილების გაუქმების შესახებ.