,,ერგნეთის ბაზრობის დახურვით სააკაშვილმა კატასტროფული ხასიათის შეცდომა დაუშვა და პრაქტიკულად უკვე ჩამქრალი კონფლიქტი ხელახლა გააღვივა", -განაცხადა ჟურნალისტებთან კოალიცია ,,ქართული ოცნების" დეპუტატმა დავით ბერძენიშვილმა ერგნეთის ბაზრობის შესაძლო გახსნის კომენტირებისას.
,,ერგნეთის ბაზრობის დახურვა კი არ იყო საჭირო, ერგნეთის ბაზრობის ლეგალიზება იყო საჭირო. 2004 წელს სააკაშვილის ხელისუფლებამ კატასტროფული ხასიათის შეცდომა დაუშვა, როდესაც პრაქტიკულად უკვე ჩამქრალი კონფლიქტი ცხინვალის რეგინში ხელახლა გააღვივა. აღარ ვლაპარაკობ 2008 წლის მოვლენებზე, როცა რუსეთმა საქართველოს ხელისუფლების შეცდომები, ამ ტერიტორიის და აფხაზეთის ოკუპაციისთვის გამოიყენა", _ განაცხადა ბერძენიშვილმა და აღნიშნა, რომ აუცილებელია როგორც ცხინვალის, ასევე აფხაზეთის მიმართულებით ურთიერთობების ნორმალიზება, და ეკონომიკური ურთიერთობების ჩამოყალიბება.
,,პრემიერ-მინისტრი, ისე რეინტეგრაციის მინისტრი, ისე შიდა ქართლი უმრავლესობის დეპუტაცია ძალიან სწორად აღნიშნავენ იმას, რომ ჩვენ გვჭირდება ლეგალიზებული ურთიერთობები საქართველოს ტერიტორიაზე მცხოვრებ ადამიანებთან. მათ შორის იმ ტერიტორიაზე მცხოვრებ ადამიანებთანაც, სადაც დღეს ჯერჯერობით საქართველოს იურისდიგცია არ ვრცელდება. ჩვენ გვჭირდება ამ ტერიტორიაზე მცხოვრები ადამიანების დაინტერესება, მათ შორის ეკონომიკური ინტეგრაციისკენ გადადგმული ნაბიჯები"- განაცხადა ბერძენიშვილი.
