საპარლამენტო უმრავლესობის წევრის ზვიად ძიძიგურის განცხადებით, ერგნეთის ბაზრობის აღდგენა არის თემა, რომელიც დამუშავების სტადიაშია. ამის შესახებ ძიძიგურმა გაზეთ "პრაიმ-ტაიმის" პრეს-კლუბში გამართულ პრესკონფერენციაზე განაცხადა.
"მე გიდასტურებთ, რომ ერგნეთის აღდგენის იდეა ნამდვილად გაჟღერებულია, მაგრამ ამას საკანონმდებლო ცვილებები სჭირდება. ამ თემაზე საუბარი ნამდვილად იყო. ვვარაუდობ, რომ უნდა შეიქმნას განსაკუთრებული ეკონომიკური ზონა, ან რაიმე მსგავსი. ეს არის თემა, რომელიც დამუშავების სტადიაშია", - განაცხადა ძიძიგურმა და დასძინა, რომ ერგნეთში ბაზრობის აღდგენას ძალიან ბევრი მსჯელობა სჭირდება, რადგან ცუდი შედეგები არ იქნას მიღებული.