იუსტიციის მინიტრი თეა წულუკიანი უზენაესი სასამართლოს თავმჯდომარეს კოტე კუბლაშვილს პასუხობს და აცხადებს, რომ ის აღარ იქნება სასამართლოს ყველა რგოლის მაკონტროლირებელი. რაც შეეხება კუბლაშვილის განცხადებას, რომ თეა წულუკიანი ვერ აიხდენს თავის ქართულ ოცნებას სასამართლო სისტემასთან მიმართებაში.
"მე ვთქვი, რომ სასამართლო რეფორმა მაინც ჩატარდება და ეს შემიძლია მხოლოდ და მხოლოდ გავიმეორო, მიუხედავად იმისა, როგორიც არ უნდა იყოს ჩემზე და ჩემს ოჯახზე თავდასხმები. პირიქით, ეს თავდასხმები კიდევ უფრო მააქტიურებს და ხელს მიწყობს ეს რეფორმა ბოლომდე მივიყვანო. რაც შეეხება თვითონ განცხადებას, ბატონ კუბლაშვილს ალბათ, ახსოვს, რომ სულ რამდენიმე თვის წინ წარმატებით ავიხდინე ჩემი "ქართული ოცნება" ნაძალადევში და ჩემი მომდევნო ქართული ოცნება სასამართლო რეფორმაა, რასაც აგრეთვე ავიხდენ და კუბლაშვილს ვპირდები, რომ ის აღარ იქნება სასამართლოს ყველა რგოლის მაკონტროლირებელი", - განაცხადა წულუკიანმა.