სომეხი ექსპერტები აქტიურად განიხილავენ აზერბაიჯანული მხარის მიერ გავრცელებულ და ქართული მხარის მიერ უარყოფილ საკითხს აქრიურად განიხილავენ და არკვევენ მართლა გააკეთა თუ არა სრულიად საქართველოს კათოლიკოს -პატრიატქმა ილია მეორემ კავკასიის მუსულმანების სამმართველოს თავმჯდომარესთან შეიხ ულ-ისლამ ალლაჰშუკიურ პაშაზადესთან შეხვედრაზე განცხადება იმის შესახებ, რომ აფხაზეთი და სამხრეთ ოსეთი ძირძველი ქართული მიწებია, ხოლო მთიანი ყარაბაღი - "ეკუთვნოდა და ეკუთვნის აზერბაიჯანს".
ამ საკითხთან დაკავშირებით სომეხმა პოლიტოლოგებმა ერევანში პრესკონფერენცია გამართეს.
პოლიტოლოგმა ალექსანდრე მინასიანმა ამ საკითხთან დაკავშირებით გამოთქვა აზრი, რომ შესაძლოა არსებობდეს სამი ვარიანტი იმისა გააკეთა თუ არა საქართველოს პატრიარქმა ამგვარი განცხადება.
"პირველი ვარიანტის მიხედვით, ილია მეორემ არაოფიციალურ ვითარებაში მართლაც გააკეთა ეს განცხადება იმ იმედით, რომ მის სიტყვებს საზოგადოებრივი რეზონანსი არ მოყვებოდა", _ აცხადებს მინასიანი და აღნიშნავს, რომ საქართველოს პატრიარქს უნდა გაეთვალისწინებინა ის, რომ შესაძლოა მისი სიტვები აზერბაიჯანულ მხარეს გაევრცელებინა და ამიტომაც "უფრო ფრთხილად უნდა იყოს".
ექსპერტის აზრით, მეორე შესაძლო ვარიანტი იმისა გააკეთა თუ არა საქართველოს პატრიარქმა ეს განცხადება არის ის, რომ ილია მეორემ "მართლაც გააკეთა ეს განცხადება, თუმცა შემდეგ თავადვე უარყო ის".
მინასიანის აზრით მესამე შესაძლო სცენარია არის ის, რომ საქართველოს პატრიარქს საერთოდ არ გაუკეთებია ეს განცხადება ან რარაც თქვა ამ "ამ თემასთან ახლოს რითიც აზერბაიჯანმა ისარგებლა, იმისათვის, რომ საქართველო უხერხულ მდგომარეობაში ჩაეგდო და ქართულ-სომხური ურთიერთობები გაეფუჭებინა".
სომხური არქიტექტურის შესწავლის ფონდის თავმჯდომარემ სამველ კარაპეტიანმა კი თავის მხრივ განაცხადა, რომ საქართველოში არსებული საზოგადოებრივი აზრი, შეესაბამება საქართველოს პატრიარქის სავარაუდო განცხადებას. კარაპეტიანი ასევე არ გამორიცხავს იმის ალბათობას, რომ საქართველოს პატრიარქმა ეს განცხადება მართლაც გააკეთა.
მანვე აღნიშნა, რომ "ერევანს აქამდე არაფერი გაუკეთებია იმისათვის, რომ განესხვავებინა აფხაზეთის, სამხრეთ ოსეთისა და ყარაბაღის საკითხები, რომელთა შორისაც ბაქოს მხრიდან თანასწორობის ნიშანია გავლებული, მაშინ როდესაც ისინი სულაც არ არიან ერთნაირნი. სომხეთმა არ უნფდა მისცეს არავის იმის საშუალება, რომ ეს საკიტხები გაათანაბროს და ამით საქართველოსაც შეუმსუბუქდება ტვირთი".