სასჯელაღსრულების პრობაციისა და იურიდიული დახმარების საკითხთა მინისტრმა სოზარ სუბარმა ამნისტიის აღსრულების პროცედურებთან დაკავშირებით განამარტება გააკეთა და აღნიშნა, რომ სამინისტრო მზადაა ამნისტიის კანონპროექტის ძალაში შესვლის პირველსავე დღეს პატიმრის საქმეები სასამართლოს გადაუგზავნოს.
,,პოლიტპატიმართა გათავისუფლებას რაც შეეხება როგორც კი ამნისტიის შესახებ კანონპროექტი ძალაში შევა მეორე დღეს დილის 10:00 საათზე დაიწყება პოლიტიკური ნიშნით დაკავებული ადამიანებს გათავისუფლება. Eეს პროცედურა მაქსიმუმ ერთი საათის განმავლობაში გასტანს. რაც შეეხება სხვა კატეგორიის პატიმრებს პარლამენტმა სასჯელაღსრულების სამინისტროს ორკვირიანი ვადაა მისცა, რომ საქმეები სასამართლოში გადავაგზავნოთ, მაგრამ ჩვენ მზად ვართ იმისთვის, რომ პრაქტიკულად პირველივე დღეს საქმეების გადაგზავნა სასამართლოში დავიწყოთ და დარწმუნებულები ვართ, სასამართლო ჩაეტევა ორთვიან ვადაში, რაც მიცემული აქვს პატიმრების გათავისუფლებისთვის", _განაცხადა სოზარ სუბარმა.
შეგახსენებთ, რომ ამნისტიის შესახებ კანონპროექტზე პრეზიდენტს ხელმოწერის ვადა 11 იანვარს ეწურება, წინააღმდეგ შემთხვევაში ამ პროცედურას დავით უსუფაშვილი განახორციელებს.
