საქართველოში ოფიციალური ვიზიტით მყოფი ჰოლანდიის პარლამენტის თავდაცვის კომიტეტის თავმჯდომარე ტენ ბრუკი საპარლამენტო უმცირესობის ერთ-ერთ ლიდერს დავით დარჩიაშვილს შეხვდა. როგორც შეხვედრის დასრულების შემდეგ ჟურნალისტებთან ტენ ბრუკმა განაცხადა შეხვდრა საინტერესო იყო, სადაც ქვეყანაში არსებულ ვითარებასა და თავდაცვის საკითხების შესახებ ისაუბრეს.
,,კარგი შეხვედრა გვქონდა, ბევრი საკითხი განვიხილეთ და გარკვეული შეკითხვები, რომელიც ოპოზიციის მიმართულებით მაინტერესებდა მოხარული ვარ, ამის გაცნობის შესაძლებლობა მქონდა. საუბრისას განვიხილეთ თავდაცვის საკითხები, ავღანეთში ISF ოპერაცია და საქართველოში არსებული ვითარება", _განაცხადა ჟურნალისტებთან შეხვედრის დასრულების შემდეგ ტენ ბრუკმა.
ჰოლანდიის პარლამენტის თავდაცვის კომიტეტის თავმჯდომარე ტენ ბრუკი ამ წუთებში თავდაცვის მინისტრს ირაკლი ალასანიას ხვდება. ასევე დაგეგმილია შეხვედრები, პარალმენტის თავდაცვის კომიტეტის თავმჯდომარესთან, საგარეო და ევროპასთან ინტეგრაციის კომიტეტის თავმჯდომარეებთან, საგარეო საქმეთა მინისტრთან. ხვალ კი ტენ ბრუკი რამდენიმე პირისპირ შეხვედრის შემდეგ ოკუპირებული რეგიონის ადმინისტრაციულ საზღვართანაც გაემგზავრება.
საქართველოს ჰოლანდიის პარლამენტის თავდაცვის კომიტეტის თავმჯდომარე 10 იანვარს დატოვებს.