პრეზიდენტი ახალი ხელისუფლების მოსვლის შემდეგ ქვეყანაში შეჩერებულ პროექტებზე საუბრობს, _აღნიშნულის შესახებ პრეზიდენტმა ალილოს მონაწლეებთან შეხვედრისას განაცხადა და იმედი გამოქვა, რომ მიმდინარე სამშენებლო პროექტების შეჩერება დროებითია.
"ახლა ჩამოვედი არაბთა გაერთიანებული საამიროდან. მე ყოველთვის მინდოდა, რომ საქართველო ყოფილიყო ისეთივე გრანდიოზული, ლამაზი, განვითარებული, როგორც ის ქვეყანაა და ჩვენ ვიყავით იმ ზღვრამდე მისულები, რომლის იქეთაც ასეთი სახის განვითარება იწყებოდა და ბევრი პროექტი უკვე დაწყებული იყო. ერთ-ერთი იყო ეს სასტუმრო 40-ზე მეტ სართულზე მაღალი სასტუმრო, ლამაზი რომელიც თბილისის ცენტრში უნდა აშენებულიყო და რომელიც დაასაქმებდა 20 ათას ჩვენ თანამოქალაქეს. ხობის წყალზე უნდა დაწყებულიყო
ჰიდროელექტროსადგურის მშენებლობა, მაგრამ სამწუხაროდ, შევიტყვე, რომ ეს პროექტი ჰიდროელექტროსადგურის გაჩერდა. ასევე, თბილისის აეროპორტში ახალი ასაფრენი ზოლის მშენებლობა, რომელიც რამდენიმე თვის წინ დავიწყეთ გააჩერეს თუ ეს არ გაკეთდა, საქართველო დაკარგავს 100 ათასობით ახალ ტურისტს და შემოსავალს. იმედი მაქვს, რომ ეს არ არის აღმშენებლობის შეჩერებისა და დანგრევის შეგნებული პოლიტიკა.
მე მინდა, რომ ეს აღმოჩნდეს დროებითი გაუგებრობა და ხალხი შემდეგ ახალ წელს შეხვდეს ბევრად კმაყოფილი", - განაცხადა სააკაშვილმა.
