პირდაპირი მიყიდვის წესით განხორციელებული ინვესტიციების შესახებ, ინფორმაციები მაქსიმალურად საჯარო იქნება. „პირდაპირი მიყიდვის წესით განხორციელებული ინვესტიციები აუცილებლად იქნება საჯარო. არ შეიძლება რომ უმსხვილესი ობიექტები იყიდებოდეს და ამის შესახებ ინფორმაციას არავინ არ ფლობდეს. საჯაროობასთან ერთად, შეიცვლება პრინციპები. იმ გამონაკლის შემთხვევაში, როცა საბაზრო ფასზე ნაკლებად ხდება კონკრეტული ობიექტის პრივატიზაცია, უნდა იყოს წარმოდგენილი მთლიანი განვითარების გენერალური გეგმა წარმოდგენილი და ის ვალდებულებები, რომელიც წარმოდგენილი იყო და არ შეესაბამებოდა არც კონკრეტულ მიწის ნაკვეთს და არც იმ პროექტს, რომელიც პრივატიზაციაზე გადიოდა. ჩვენი მხრიდან განხორციელდება, ყველა კონკრეტული ვალდებულების მონიტორინგი. მინდა აქვე დავაფიქსირო, რომ პრივატიზაციის შედეგების გადახედვაზე საუბარი არ არის, საუბარია იმ ვალდებულებებზე და იმ კონტრაქტების აღსრულებაზე, რომელიც უკვე არსებობს. ამიერიდან დაიდება ისეთი კონტრატქები, რომელსაც სპეციალიზებული სისტემა მიხედავს, რომელიც ჩვენს უწყებაში ყალიბდება"- განაცხადა მინისტრმა
დღესვე ეკონომიკისა და მდგრადი განვითარების მინისტრმა განაცხადა ისიც, რომ სასოფლო სამეურნეო მიწების პრივატიზებაში და ზოგადად სოფლად ადამიანებს პრივატიზაციის საკითხში რეგიონებში გახსნილი სპეციალური ორგანოები დაეხმარებიან. როგორც გიორგი კვირიკაშვილმა განმარტა, სოფლებში არ არის ინტერნეტი და მოსახლეობას აუქციონებში მონაწილეობა უჭირს. სწორედ აღნიშნულიდან გამომდინარე, ეკონომიკისა და მდგრადი განვითარების სამინისტრომ მიიღო გადაწყვეტილება, ზოგიერთ რაიონში სპეციალიზირებული ორგანოები აამოქმედოს, რომელიც ადამიანებს პრივატიზაციის პროცესში დაეხმარებიან.
