მედიის ცნობით, სამშაბათს საღამოს, უსაფრთხოების მიზნით, ბრიუსელისა და ბელგიის ქალაქ ლიეჟში საჰაერო მიმოსვლა შეჩერდა მას შემდეგ, რაც მათ მახლობლად დრონების ფრენის შესახებ ინფორმაცია გავრცელდა.
თავდაპირველად გამოცხადდა, რომ ლიეჟში რეისები გადამისამართდებოდა, თუმცა იქაურმა აეროპორტმცა მიიღო შეტყობინებ ახლომდებარე დრონების შესახებ. ამიტომ, საჰაერო მოძრაობა მაასტრიხტისკენ გადაიტანეს.
რამდენიმე დღის წინ ბელგიამ ქვეყნის სამხრეთ ნაწილში სამხედრო ბაზის თავზე რამდენიმე დრონის გამოჩენასთან დაკავშირებით გამოძიება დაიწყო.
მოგვიანებით ცნობილი გახდა, რომ ქვეყნის აღმოსავლეთით, კლაინე ბროგელის სამხედრო ბაზის თავზე ახალი საეჭვო დრონები შენიშნეს.
ამის შემდეგ გავრცელდა ინფორმაცია, რომ ბელგიის შეიარაღებულმა ძალებმა მიიღეს ბრძანება, ჩამოეგდოთ ნებისმიერი უცნობი დრონი, რომელიც სამხედრო ავიაბაზების თავზე შენიშნებოდა.
