ლიმონათის ქართულ ბაზარზე „ნატახტარის ლიმონათის" ახალი შეფუთვა - 0.33 ლ თუნუქის ქილა, გამოდის.
27 დეკემბრიდან, „ნატახტარის ლიმონათის" მოყვარულებს საშუალება ეძლევათ მსხლის არომატის ლიმონათი 0,33 ლიტრიანი თუნუქის შეფუთვით შეიძინონ. ამ პროდუქტის რეკომენდირებული ფასი 80 თეთრი იქნება.
ახალი შეფუთვის გამოშვება მსხლის არომატზე გაზრდილმა მოთხოვნამ განაპირობა, მისი ჩამოსხმა 0,33 ლიტრიან თუნუქის შეფუთვაში გადაწყდა, რადგან შეფუთვის ეს სახე მომხმარებლისთივს უფრო მოსახერხებელი და კომფორტულია. ასეთ სახით შეფუთვა ხელს შეუწობს, როგორც ლიმონათის მოხმარების ადგილების ზრდას, ასევე საექსპორტო ქვეყნებში პოზიციების გამყარებას.
სამომავლოდ იგეგმება ქილის შეფუთვაში სხვა არომატების წარმოებაც.
დღესდღეობით, კომპანია მომხმარებელს შვიდი არომატის ლიმონათს სთავაზობს (მსხალი, ტარხუნა, საფერავი, ნაღები, ლიმონი, ფორთოხალი, ატამი).
ნატახტარის ლიმონათი 2005 წლიდან გამოდის საქართველოს ბაზარზე. მან დიდი მოწონება და სიყვარული დაიმსახურა მომხმარებლებში და დღეს ყველაზე პოპულარული ლიმონათია საქართველოში. ნატახტარის ლიმონათი გასცდა საქართველოს საზღვრებს და 2005 წლიდან ექსპორტზე გადის სხვადასხვა ქვეყნებში. მისი ექსპორტი სტაბილურად მსოფლიოს 19 ქვეყანაში მიმდინარეობს, ეს ქვეყნებია: აზერბაიჯანი, აშშ, ბელორუსია, გერმანია, ესპანეთი, თურქმენეთი, ისრაელი, კვიპროსი, ლატვია, მოლდოვეთი, პოლონეთი, რუსეთი, საბერძნეთი, სლოვაკეთი, სომხეთი, ტაჯიკეთი, უკრაინა, ყაზახეთი და ყირგიზეთი.