რამდენიმედღიანი ძებნის შემდეგ, ლაგოდეხის რაიონის სოფელ შრომაში ადგილობრივებმა ხანდაზმული მამაკაცის ცხედარს მიაკვლიეს.
თვითმხილველების თქმით, 80 წლის შოთა ყარაბუღაშვილი მტაცებლისგან იყო შეჭმული და იგი სოფლიდან 2 კილომეტრის დაშორებით იპოვეს.
ცხედარი იმდენად იყო დანაწევრებული, რომ მოხუცის ამოცნობა ოჯახის წევრებმა ტანსაცმლით შეძლეს.
ცხედარს ექსპერტიზა ჩაუტარდა და ამ დროისთვის სახლშია გადასვენებული.