2013 წლის პირველი თებერვლიდან 5-ლარიანი სადაზღვევო პაკეტი ამოქმედდება. როგორც ჟურნალისტებთან მთავრობის სხდომის დასრულების შემდეგ ჯანდაცვის მინისტრმა დავით სერგეენკომ განაცხადა, პირველი თებერვლიდან დაზღვევის 5-ლარიანი პაკეტი იმ ადამიანებისთვის ამოქმედდება, რომლებიც არც ერთი სახელმწიფო სადაზღვევო პაკეტით არ სარგებლობენ.
"ხუთ ლარიანი პაკეტით სარგებლობა მოიცავს იმ კატეგორიის ადამიანებს ვინც არანაირი სადაზღვევო პაკეტით არ სარგებლობენ. Dდაახლოებით, საქრათველოს 2,2 მილიონი ადამიანი, რომელთაც არანაირი სადაზღვევო პაკეტი არ აქვს უზრუნველყოფილი იქნება მინიმალური სადაზღვევო პაკეტით", - განაცხადა სერგეენკომ და აღნიშნა, რომ 1-ლი ივლისიდან სახელმწიფო მოქალაქეებს 15-ლარიან საბაზისო პაკეტს შესთავაზებს.