საჯარო ბიბლიოთეკაზში ქართული ინტერქციული წიგნის „ანბანი" პრეზენტაცია გაიმართება და წაიკითავენ ლექცია. ლექციას გაუძღვება ელექტრონული წიგნის სახლის "საბა" ტექნიკური დირექტორი, სანდრო ასათიანი. ლექცია შეეხება ახალ მიმდინარეობებს ლიტერატურაში, რომლებიც ელექტრონულმა წიგნებმა გააჩინეს, ასევე ელექტრონული წიგნების საკითხავ მოწყობილობებს, ინტერაქტიულ წიგნებს, ელექტრონულ მხატვრულ ლიტერატურას, ელექტრონულ ლექსიკონებსა და ელექტრონულ სახელმძღვანელოებს.
„ქართული ანბანი" ერთ-ერთი პირველი ქართული ინტერაციული წიგნია, რომელიც ელექტრონული წიგნების სახლმა „საბა" შექმნა. ის უკვე განთავსდა Google-ზე და ანდროიდის მომხმარებელებს შეუძლიათ მისი უფასო ჩამოტვირთვა. „ქართული ანბანი" განკუთვნილია სკოლამდელი ასაკის ბავშვებისთვის, რომლებსაც უყვართ პლანშეტებით და სმარტფონებით თამაში. მათ ამ ინტერქციული წიგნის მეშვეობით შეეძლებათ თამაშის გზით შეისწავლონ წერა-კითხვა.
ინტერაქტიული წიგნები მსოფლიოსთვის და, შესაბამისად, საქართველოსთვის სრული სიახლეა. ეს არის ელექტრონული წიგნისა და კომპიუტერული თამაშის კომბინაცია, რომელიც მოიცავს ტექსტებს და მოძრავ ილუსტრაციებს. მომხმარებელი (ინტერაციული წიგნის მკითხველი) წიგნთან შედის ინტერაქციაში, როგორც ეს ონლაინ თამაშებში ხდება. ეს კი ინტერაქციული წიგნის „კითხვის" პროცესს უფრო სახალისოს და შთამბეჭდავს ხდის..
