საგარეო ურთიერთობათა, ევროპასთან ინტეგრაციისა და დიასპორისა და კავკასიის საკითხთა კომიტეტებმა გაერთიანებულ სხდომაზე "საქართველის 2012 წლის სახელმწიფო ბიუჯეტის შესახებ კანონში ცვლილების შეტანის შესახებ" კანონპროექტი განიხილეს.
ფინანსთა მინისტრის მოადგილემ, დავით ებრალიძემ, დეპუტატებს მიმდინარე წლის ბიუჯეტში განსახორციელებელი ცვლილებების პარამეტრები წარუდგინა, რაც ჩვენს ქვეყანაში ზოგადი სოციალურ-ეკონომიკური მდგომარეობითაა გამოწვეული. სამივე კომიტეტის წევრებმა მიზანშეწონილად მიიჩნიეს საკითხის პლენარულ სხდომაზე გატანა.
ერთობლივი განხილვის დასრულების შემდეგ, მუშაობა გააგრძელა საგარეო ურთიერთობათა კომიტეტმა, რომელმაც "მაუწყებლობის შესახებ" საქართველოს კანონში ცვლილების შეტანის თაობაზე კანონის პროექტი განიხილა.
