2013 წლის 1-ელ იანვრამდე ძველი საკონტროლო სალარო აპარატები რეგისტრაციიდან უნდა მოიხსნას. შემოსავლების სამსახურის ინფორმაციით, კანონმდებლობაში განხორციელებული ცვლილების თანახმად, უწყებამ იურიდიულ პირებთან ძველი საკონტროლო სალარო აპარატების რეგისტრაციიდან მოხსნასთან დაკავშირებით ხელშეკრულება უკვე გააფორმა.
კანონით, ძველი საკონტროლო სალარო აპარატების რეგისტრაციიდან მოხსნა უნდა განხორციელდეს 2013 წლის 1-ელ იანვრამდე. აღნიშნული ვადის გასვლის შემდეგ, მოუხსნელი საკონტროლო სალარო აპარატი ჩაითვლება დაკარგულად და გადამხდელზე გავრცელდება კანონმდებლობით გათვალისწინებული 3000-ლარიანი ჯარიმა.
შემოსავლების სამსახურის ინფორმაციით, ერთი აპარატის მოხსნის ღირებულება არა უმეტეს 5 ლარია.
აღსანიშნავია, რომ რეგისტრაციიდან მოხსნას დღეისთვის ახორციელებენ შემდეგი იურიდიული პირები: შპს "კომპიუტერი", შპს "ალიონი 1", შპს "ლ.ბ. ინვესტ ჯგუფი", შპს "ტმც", შპს "პლაზა", შპს "შტრიხი 2007".