საქართველოს სოფლის მეურნეობის მინისტრი დავით კირვალიძე ღვინის ეროვნული სააგენტოს ახლადდანიშნულ ხელმძღვანელს ლევან დავითაშვილს შეხვდა და სააგენტოს ძირითად მიმართულებებზე ესაუბრა. შეხვედრაზე ქართული ღვინის კონკურენტუნარიანობის და ხარისხის, ასევე ექსპორტის გაზრდის და ახალი ბაზრების ათვისების საკითხები განიხილეს.
დღესვე, სოფლის მეურნეობის მინისტრის პირველმა მოადგილემ დავით შერვაშიძემ ლევან დავითაშვილი ღვინის ეროვნული სააგენტოს თანამშრომლებს პირადად წარუდგინა.
ლევან დავითაშვილი დაიბადა 1978 წლის 10 დეკემბერს. 2009 წლიდან დღემდე იყო შპს ,,SCHUCHMANN WINES GEORGIA" -ს გაყიდვებისა და მარკეტინგის მენეჯერი. ასევე მუშაობდა USAID - ის სოფლის მეურნეობის განვითარების პროექტის Ag Vantage-ის გაყიდვებისა და მარკეტინგის მენეჯერად.იყო შპს ,,წინანდლის ძველი მარნის" გენერალური მენეჯერი. სრულყოფილად ფლობს ინგლისურ, რუსულ და იტალიურ ენებს.