დღეს, „საქართველოს სახელმწიფო ელექტროსისტემას" "საპარტნიორო ფონდის" აღმასრულებელი დირექტორი, ირაკლი კოვზანაძე ესტუმრა. მან დაათვალიერა საქართველოს ეროვნული სადისპეტჩერო ცენტრი, რომლის ანალოგი კავკასიის რეგიონში არ არსებობს.
ირაკლი კოვზანაძე შეხვდა რეაბილიტაციის მმართველს, სულხან ზუმბურიძეს და მმართველ გუნდს. შეხვედრაზე განიხილეს კომპანიაში მიმდინარე და სამომავლო ენერგეტიკული პროექტები, ასევე ისაუბრეს ზამთრის სეზონის დადგომასთან დაკავშირებით საქართველოს სახელმწიფო ელექტროსისტემის მიერ განხორციელებულ სარეაბილიტაციო სამუშაოებზე.
როგორც ირაკლი კოვზანაძემ განაცხადა საქართველოსთვის უმნიშვნელოვანესი ამოცანაა სამომავლოდ ენერგეტიკული სტაბილურობის შენარჩუნება და ენერგოსიმძლავრეების გაზრდა.
საპარტნიორო ფონდი „საქართველოს სახელმწიფო ელექტროსისტემის" აქციათა 100%-ის მფლობელია.