ბანკი "რესპუბლიკა - სოსიეტე ჟენერალი" მომხმარებელთან ურთიერთობაში ახალი სტრატეგიის დანერგვას იწყებს, რაც, თავის მხრივ, "სოსიეტე ჟენერალის" გლობალური სტრატეგიის ნაწილია.
ბანკის გენერალური დირექტორის, კრისტიან კარმანიოლის განმარტებით, ახალი სტრატეგია მომხმარებელთან მეტ და უშუალო ურთიერთობას ითვალისწინებს. ამიერიდან ბანკ "რესპუბლიკაში" მისულ კლიენტებს კონსულტაციებსა და მომსახურეობას ურთიერთობის ოფიცრები გაუწევენ, რომლებიც უშუალოდ იმუშავებენ კლიენტებთან, როგორც ბანკში, ასევე დისტანციურად და კლიენტის სურვილის შემთხვევაში ურთიერთობის ოფიცერი მათ ბანკთან დაკავშირებული ნებისმერი პრობლემის მოგვარებაში დაეხმარებიან.
ახალი სისტემის დანეგვა ეტაპობივად მოხდება და როგორც კარმანიოლი აცხადებს, 2015 წლისთვის ბანკი "რესპუბლიკა" ჯგუფი "სოსიეტე ჟენერალი" სამაგალითო ბანკი იქნება.
"კლიენტურასთან ახალი სისტემური მიდგომა გვექნება, რისთვისაც ბანკში სისტემატიურ ცვლილებებს განვახორციელებთ. ჩვენს თანამშრომლებს ჩაუტარდებათ შესაბამისი ტრენინგები, რათა მათ შეძლონ ურთიერთობა კლიენტებთან, რათა ისინი გამოდიოდნენ კლიენტების ინტერესებიდან. ანუ მათ შეისწავლონ სათანადოდ კლიენტების მდგომარეობა და თავიდან იქნეს აცილებული შემდგომი პრობლემები", - აცხადებს კარმანიოლი.
ცნობილი ხდება, რომ ბანკი "რესპუბლიკა" ჯგუფი "სოსიეტე ჟენერალი" ხელშეკრულებების დახვეწაზედაც მუშაობს. როგორც ბანკის გენერალური დირექტორი აცხადებს, ხელშეკრულებებში აღარ იქნება ბუნდოვანება და ის კლიენტისთვის გამარტივებული ტექსტით იქნება შედგენილი.
კარმანიოლის განმარტრებით, მომხმარებელსა და ბანკს შორის განახლებული ურთიერთობის პრინციპს ეფუძნება 'სოსიეტე ჟენერალის" მიერ შემუშავებული გლობალური სტრატეგია ერთიანი მესიჯით: Building Team Spirit Together - ერთად შევქმნათ გუნდური სულისკვეთება. ეს ბანკის ახალი სტრატეგიაა, რომელიც გულისხმობს, რომ ბანკის თითოეული თანამშრომელი და თითოეული მომხმარებელი ერთად ქმნის გუნდს ერთიანი მიზნით, სადაც თითოეული მხარის წარმატება მეორე მხარის წინსვლას განაპირობებს.
"ბანკის ახალი მესიჯი ჩვენი მომხმარებლებისთვის არის: ყოველი ჩვენგანი მნიშვნელოვანია. მინდა გითხრათ, რომ ყოველ ჩვენგანში ვგულისხმობთ როგორც ბანკის თანამშრომლებს, ასევე ბანკის თითოეულ კლიენტს. მაქსიმალურად შევეცდებით, კლიენტურას დავეხმაროთ, მაგალითად თუ აქვს სესხი მოთხოვნილი, ისე დავარეგულირებთ და ისე დავუანგარიშებთ, რომ მომავალში პრობლემა არ შეექმნას. ეს კიდევ გამოვლინებაა იმისა, რომ ურთიერთობას მხოლოდ გრძელვადიან პერსპექტივაში ვუყურებთ", - აცხადებს ბანკის აღმასრულებელი დირექტორი რამაზ კუკულაძე.
როგორც ბანკის მენეჯმენტი განმარტავს, ყოველი ჩვენგანი გულისხმობს მომხმარებელსაც და ბანკის თანამშრომელსაც. გუნდური პრინციპით არსებობისას განსაკუთრებით მნიშვნელოვანია, რომ ყველა მონაწილე გრძნობდეს ერთიან მიმართულებას, ჰქონდეს ერთი მიზანი და მსგავსი ღირებულებები. მაქსიმალურად იკვეთება მომხმარებლისა და ყველა თანამშრომლის თანაბარი როლი და ფუნქცია ერთიანი ორგანიზმის არსებობისთვის. ჩვენი ბანკის წარმატება თითოეული შემადგენელი რგოლის მონდომებასა და საერთო გუნდურ სულისკვეთებაზეა დამოკიდებული. დღევანდელი კარგად განვითარებული საბანკო სფერო მომხმარებელს უჩენს სურვილს, დამატებითი მოთხოვნები წაუყენოს ბანკს. მისთვის უკვე აღარაა საკმარისი მხოლოდ უკეთესი ტარიფი ან პირობა, მას სჭირდება პარტნიორი, რომელსაც ენდობა. ბანკის და მომხმარებლის ურთიერთობას ორმხრივი თანამშრომლობა განაპირობებს, სწორედ ეს დამოკიდებულებაა ხანგრძლივი და მყარი ურთიერთობის საფუძველი. მომხმარებელს ვთავაზობთ მის მოთხოვნებსა და ფინანსურ შესაძლებლობებზე ზუსტად მორგებულ კომფორტულ პირობას, რომელიც მოკლევადიან პერიოდში შესაძლოა, ჩვენთვის ფინანსურად არასახარბიელოც კი აღმოჩნდეს, მაგრამ ამ ნაბიჯით ჩვენ ვამყარებთ იმ გუნდის ერთიანობას, სადაც ყოველი წევრის წარმატება საერთო წარმატებაა, სადაც ყოველი ჩვენგანი მნიშვნელოვანია", - აცხადებენ ბანკ "რესპუბლიკაში".
ბანკის ინფორმაციით, სწორედ ამ პოზიციის გასამყარებლად შეიქმნა სპეციალური ე.წ. "ურთიერთობის ნიშანი". კერძოდ, ბანკმა "რესპუბლიკამ" ჯგუფმა "სოსიეტე ჟენერალმა", როგორც საფინანსო სექტორის ექსპერტმა, კიდევ ერთხელ უნდა გამოხატოს სოციალური პასუხისმგებლობა და განსაკუთრებულად მიუთითოს, რომ წარმატებული ურთიერთობის საფუძველი ბანკსა და მომხმარებელს შორის თანაბარუფლებიანი ურთიერთობაა. ეს ნიშანი მომხმარებელს შეახსენებს ორმხრივობის მნიშვნელობას და სარგებელს, ბანკის მიდგომას საბანკო პროდუქტების შეთავაზების, სესხის დამტკიცების თუ სხვა ტიპის ფინანსური ურთიერთობისას.
"ბანკ "რესპუბლიკის" "ჯგუფ სოსიეტე ჟენერალის" ახალი სტრატეგია კიდევ უფრო ამყარებს ტრადიციულ სოციალურ პასუხისმგებლობას, რომლის ფარგლებშიც ბანკი განახორციელებს გარკვეულ საგანმანათლებლო პროგრამებს, რითიც ხელს შეუწყობს კლიენტის ფინანსების ეფექტურ მართვას. ჩვენი, როგორც საფინანსო ექსპერტის მიზანია, მაქსიმალურად მოვერგოთ თითოეულ მომხმარებელს და დავეხმაროთ მისთვის სასარგებლო გადაწყვეტილების მიღებაში. განსაკუთრებული მნიშვნელობა აქვს როგორც საცალო, ისე კორპორაციული მომხმარებლის სრულყოფილ და ოპერატიულ ინფორმირებულობას თავისი შინაარსით და მრავალფეროვნებით საკმაოდ რთულ საბანკო პროდუქტებში გასარკვევად. ეს დაეხმარება მათ, მიიღონ სწორი გადაწყვეტილება და გააკეთონ ზუსტი არჩევანი. მათ უნდა იგრძნონ ინდივიდუალური დამოკიდებულება და, ამავე დროს, საკუთარი თავი იმ დიდი გუნდის წევრად აღიქვან, რომელსაც ისინი ბანკთან ერთად ქმნიან", - აცხადებენ ბანკში.