25 დეკემბრს საქართველოს კინოთეატრებში ფილმის "ცელქი ბავშვები: ოპერაცია ახალი წელი" საპრემიერო ჩვენება გაიმართება.
ფილმის რეჟისორია ზურა მენთეშაშვილი. მონაწილეობენ ნიტა ლომიძე, ზუკა დარჯანია, ლეო ანთაძე, გიორგი ყიფშიძე, რუსკა მაყაშვილი, ნიკა გრიგოლია და ნანიკო ხაძარაძე.
ფილმში მსოფლიოში ყველაზე მოუსვენარი და ცელქი და-ძმა მშობლებთან ერთად საახალწლო მოგზაურობაში წასვლას აპირებს, თუმცა ტურისტულ სააგენტოში მოწყობილი მორიგი აურზაურის გამო მათ მშობლები დასჯიან და საახალწლო მოგზაურობის მაგივრად ახალი წლის გასატარებლად არქეოლოგ პაპასთან დატოვებენ.
