უმრავლესობას ახალი, მეოთხე ფრაქცია "ქართული ოცნება - კონსერვატორები" გამოეყო. კოალიცია "ქართული ოცნებისგან" გამოყოფა ზვიად ძიძიგურმა და "კონსერვატორებმა" გადაწყვიტეს.
ფრაქცია ექვსი წევრისგანაა დაკომპლექტებული. ესნი არიან: ზვიად ძიძიგური, ბიძინა გუჯაბიძე, გიგა ბუკია, მერამ კაჭახაძე, პაატა კვიჟირაძე და "ნაციონალური მოძრაობის" ყოფილი წევრი რევაზ შავლოხაშვილი. ფრაქციის თავმჯდომარის პოსტს გიგა ბუკია დაიკავებს.
ფრაქციის წარმომადგენლების განცხადებით, ფრაქცია უმრავლესობის შემადგენლობაში იმუშავებს.
"ფრაქციის ჩამოყალიბების შესახებ გადაწყვეტილება პარლამენტის მუშაობის დაწყებამდე იყო მიღებული", - აცხადებენ ისინი.
შეგახსენებთ, რომ პარლამენტში უმრავლესობის შემადგენლობაში ასევე მუშაობს სამი ფრაქცია "ქართული ოცნება", "ქართული ოცნება - თავისუფალი დემოკრატები" და "ქართული ოცნება - რესპუბლიკელები" .
