ბანკი „რესპუბლიკა" ჯგუფი „სოსიეტე ჟენერალი" იწყებს მომხმარებელთან ურთიერთობის ახალი სტრატეგიის დანერგვას, რაც „სოსიეტე ჟენერალის" გლობალური სტრატეგიის ნაწილია.
ხვალ, 4 დეკემბერს, 13:30 საათზე ბანკი „რესპუბლიკა" ჯგუფი „სოსიეტე ჟენერალი" დ. შევარდნაძის სახელობის ეროვნულ გალერეაში პრესკონფერენციას გამართავს, სადაც ბანკის გენერალური დირექტორი, კრისტიან კარმანიოლი მომხმარებელთან ურთიერთობის ახალი სტრატეგიის დანერგვის შესახებ ისაუბრებს.
მომხმარებელსა და ბანკს შორის განახლებული ურთიერთობის პრინციპს ეფუძნება სოსიეტე ჟენერალის მიერ შემუშავებული გლობალური სტრატეგია ერთიანი მესიჯით: Building Team Spirit Together - ერთად შევქმნათ გუნდური სულისკვეთება. ეს ბანკის ახალი სტრატეგიაა, რომელიც გულისხმობს, რომ ბანკის თითოეული თანამშრომელი და თითოეული მომხმარებელი ერთად ქმნის გუნდს ერთიანი მიზნით, სადაც თითოეული მხარის წარმატება მეორე მხარის წინსვლას განაპირობებს.
„ყოველი ჩვენგანი გულისხმობს მომხმარებელსაც და ბანკის თანამშრომელსაც. გუნდური პრინციპით არსებობისას განსაკუთრებით მნიშვნელოვანია, რომ ყველა მონაწილე გრძნობდეს ერთიან მიმართულებას, ჰქონდეს ერთი მიზანი და მსგავსი ღირებულებები. მაქსიმალურად იკვეთება მომხმარებლისა და ყველა თანამშრომლის თანაბარი როლი და ფუნქცია ერთიანი ორგანიზმის არსებობისათვის. ჩვენი ბანკის წარმატება თითოეული შემადგენელი რგოლის მონდომებასა და საერთო გუნდურ სულისკვეთებაზეა დამოკიდებული.
დღევანდელი კარგად განვითარებული საბანკო სფერო მომხმარებელს უჩენს სურვილს, დამატებითი მოთხოვნები წაუყენოს ბანკს. მისთვის უკვე აღარაა საკმარისი მხოლოდ უკეთესი ტარიფი ან პირობა, მას სჭირდება პარტნიორი, რომელსაც ენდობა. ბანკის და მომხმარებლის ურთიერთობას ორმხრივი თანამშრომლობა განაპირობებს, სწორედ ეს დამოკიდებულებაა ხანგრძლივი და მყარი ურთიერთობის საფუძველი. ჩვენ მომხმარებელს ვთავაზობთ მის მოთხოვნებზე და ფინანსურ შესაძლებლობებზე ზუსტად მორგებულ კომფორტულ პირობას, რომელიც მოკლევადიან პერიოდში შესაძლოა, ჩვენთვის ფინანსურად არასახარბიელოც კი აღმოჩნდეს, მაგრამ ამ ნაბიჯით ჩვენ ვამყარებთ იმ გუნდის ერთიანობას, სადაც ყოველი წევრის წარმატება საერთო წარმატებაა, სადაც ყოველი ჩვენგანი მნიშვნელოვანია"- აცხადებენ ბანკი „რესპუბლიკაში".
ბანკის ინფორმაციით, სწორედ ამ პოზიციის გასამყარებლად შეიქმნა სპეციალური ე.წ. „ურთიერთობის ნიშანი". კერძოდ, ბანკმა „რესპუბლიკამ" ჯგუფი „სოსიეტე ჟენერალი", როგორც საფინანსო სექტორის ექსპერტმა, კიდევ ერთხელ უნდა გამოხატოს საკუთარი სოციალური პასუხისმგებლობა და განსაკუთრებულად მიუთითოს, რომ წარმატებული ურთიერთობის საფუძველი ბანკსა და მომხმარებელს შორის თანაბარუფლებიანი ურთიერთობაა. ეს ნიშანი მომხმარებელს შეახსენებს ორმხრივობის მნიშვნელობას და სარგებელს, ბანკის მიდგომას საბანკო პროდუქტების შეთავაზების, სესხის დამტკიცების თუ სხვა ტიპის ფინანსური ურთიერთობისას.
„ბანკ „რესპუბლიკის" "ჯგუფი სოსიეტე ჟენერალი", ახალი სტრატეგია კიდევ უფრო ამყარებს ტრადიციულ სოციალურ პასუხისმგებლობას, რომლის ფარგლებშიც ბანკი განახორციელებს გარკვეულ საგანმანათლებლო პროგრამებს, რითიც ხელს შეუწყობს კლიენტის ფინანსების ეფექტურ მართვას. ჩვენი, როგორც საფინანსო ექსპერტის მიზანია, მაქსიმალურად მოვერგოთ თითოეულ მომხმარებელს და დავეხმაროთ მისთვის სასარგებლო გადაწყვეტილების მიღებაში. განსაკუთრებული მნიშვნელობა აქვს როგორც საცალო, ისე კორპორაციული მომხმარებლის სრულყოფილ და ოპერატიულ ინფორმირებულობას თავისი შინაარსით და მრავალფეროვნებით საკმაოდ რთულ საბანკო პროდუქტებში გასარკვევად. ეს დაეხმარება მათ, მიიღონ სწორი გადაწყვეტილება და გააკეთონ ზუსტი არჩევანი. მათ უნდა იგრძნონ ინდივიდუალური დამოკიდებულება და, ამავედროს, საკუთარი თავი იმ დიდი გუნდის წევრად აღიქვან, რომელსაც ისინი ბანკთან ერთად ქმნიან"- აცხადებენ ბანკში.
