,,საქართველოს ტერიტორიული მთლიანობისა და ოკუპაციის საკითხი კვლავ მწვავედ და ღიად რჩება," _ განაცხადა ჟურნალისტებთან საქართველოს საგარეო საქმეთა მინისტრის მოადგილემ დავით ჯალაღანიამ ფრონეს ხეობაში მომხდარი ფაქტის კომენტირებისას.
,,სასიხარულოა, რომ ჩვენი მოქალაქეები არ არიან დაკავებულები და არც დაშავებულები. მომხდარი ფაქტი კიდევ ერთხელ მეტყველებს იმაზე, რომ საქართველოს ტერიტორიული მთლიანობისა და ოკუპაციის საკითხი კვლავ ღიად რჩება", - განაცხადა ჟურნალისტებთან ჯალაღანიამ, რომელმაც აღნიშნა, რომ ოკუპანტები იმ საქმიანობას აგრძელებენ, რაც ხელს უშლის ქვეყნის ტერიტორიულ მთლიანობასა და სიმშვიდეს.
შეგახსნებთ, რომ ფრონეს ხეობის სოფელ აბანოდან სოფელ კოდაში მიმავალ ვახტანგ სებისკვერაძეს მანქანას, ოსურ სოფელ წვნელისიდან ცეცხლი გაუხსნეს. ამის შემდეგ, სოფელ კოდაში დაახლოებით ოთხი შეიარაღებული სეპარატისტი შევიდა და სროლა ატეხა. ამ ინციდენტს მოჰყვა ორმხრივი სროლა. სროლამ დაახლოებით 1 საათს გასტანა. ამ დროისთვის ფრონეს ხეობაში სიმშვიდეა.
