საქართველოს საგარეო საქმეთა მინისტრი აშშ-ში ვიზიტის ფარგლებში ამერიკელ სენატორს ჯონ მაკკეინს შეხვდება. დაგეგმილია მაია ფანჯიკიძის მარშალის ფონდში სიტყვით გამოსვლაც.
ვიზიტის ფარგლებში საქართველოს საგარეო საქმეთა მინისტრი,,ვაშინგტონ პოსტის" ჟურნალისტებსაც შეხვდება. როგორც ჟურნალისტებთან მაია ფანჯიკიძემ აშშ-ში ვიზიტის კომენტირებისას განაცხადა ამერიკა აგრძელებს საქართველოს მხარდაჭერას და რჩება საქართველოს სტრატეგიული პარტნიორი.
,,აბსოლუტურად ყველა ვისთანაც შეხვედრები გვქონდა საქართველოს დაუდასტურა ერთგულება, მეგობრობა, თანამშრომლობის სურვილი და აღნიშნა პროგრესი ამ ურთიერთობებში", - განაცხადა ჟურნალისტებთან მაია ფანჯიკიძემ, რომელმაც აღნიშნა, რომ ამერიკელი მაღალჩინოსნების თქმით, საქართველოში მიმდინარე დაკავებები უნდა იყოს სამართლიანი და გამჭვირვალე.
შეგახსენებთ, რომ ამერიკაში ვიზიტის ფარგლებში მაია ფანჯიკიძე უკვე შეხვდა აშშ-ის სახელმწიფო მდივანს ჰილარი კლინტონს, პრეზიდენტ ობამას მრჩეველს ევროპისა და ევრაზიის საკითხებში სენატორ ვენ კარდინსა და რესპუბლიკელ სენატორს დევიდ რეიენსაც ესაუბრა.
