მოსკოვის დიალოგი საქართველოს ახალ ხელისუფლებასთან არსებული გეოპოლიტიკური რეალობების გათვალისწინებით შეიძლება. განცხადება ამის შესახებ რუსეთის პრემიერ-მინისტრმა დიმიტრი მედვედევმა "კომერსანტთან" საუბარში გააკეთა.
"ეს ყველაზე იოლი გზა არ არის, მაგრამ რუსეთი ყოველთვის ამბობდა, რომ ჩვენ მზად ვართ საქართველოს ახალ ხელისუფლებასთან დიალოგისათვის, მაგრამ რა თქმა უნდა, არსებული პოლიტიკური რეალობებისა და აფხაზეთისა და სამხრეთ ოსეთის დამოუკიდებლობის შესახებ მიღებულ გადაწყვეტილებასთან შესაბამისად, რომლებიც რუსეთმა აღიარა", _ განაცხადა მედვედევმა და აღნიშნა: "ახლანდელი პრემიერ-მინისტრი - ეს უკვე სხვა თაობის პოლიტიკოსები არიან, შევხედავთ მის რეალური მოქმედებებს".
"იქიდან მოდის რაღაც სიგნალები იმის შესახებ, რომ კარგი იქნებოდა კონტაქტები რომ დაგვემყარებინა, თუმცა ჯერ ეს დიპლომატიურ დონეზე არ ხდება. თუმცა შეგახსენებთ, რომ დიპლომატიური ურთიერთობები საქართველომ გაწყვიტა და არა რუსეთის ფედერაციამ. ჩვენ ყურადღებით მივადევნებთ თვალს არ სიგნალებს", _ განაცხადა მედვედევმა.
"მე ვერაფერს ცუდს ვერ ვხედავ იმაში, რომ ჰუმანიტარული ურთიერთობები დავალაგოთ. თვითმფრინავები ფრენენ ჩვენს შორის და ადამიანებს შორისაც, მადლობა ღმერთს, გრძელდება კულტურული კავშირები და სავაჭრო-ეკონომიკური ურთიერთობების აღდგენაც შეიძლება", _ აცხადებს მედვედევი.
"ერთადერთი ვისთანაც მე არ ვარ მზად ერთ მაგიდას მივუჯდე ეს მიხეილ სააკაშვილია",_ აცხადებს რუსეთის პრემიერი და აღნიშნავს: "მან დაიწყო ომი, მან ჩაიდინა დანაშაული და უპირველეს ყოვლისა ქართველი ხალხის და სხვა ხალხების წინაშე, რომელთა სიკვდილშიც არის ის დამნაშავე", _ აცხადებს დიმიტრი მედვედევი.