სოფლის მეურნეობის სამინისტროს „Raffles Family Wealth Trust"-ის ხელმძღვანელი და მსოფლიოში ცნობილი ბიზნეს-მრჩეველი მარკ ჰეინეს დენიელი "Capital Partners Georgia" (CPG) ფონდის წარმომადგენლებთან ერთად ეწვია.
ფონდის მხარდაჭერით, საქართველოს სხვადასხვა რეგიონში კომპანიები „ჯეოლაიფი" და „დემეტრა" წლის ბოლომდე 500 ჰექტარ მიწაზე ზეთისხილის პლანტაციებს გააშენებს. მარტის ბოლოსთვის დაგეგმილია პროდუქციის გადადამუშავებელი ქარხნის აშენებაც, რაც ქართულ ბაზარს პირველადი გადამუშავების უმაღლესი ხარისხის ზეითუნის ზეთით მოამარაგებს. იგეგმება გადამუშავებული პროდუქციის ექსპორტზე გატანაც. ფონდის წარმომადგენლების განცხადებით, ისინი მზად არიან დამატებით შეიძინონ მიწები, სადაც ზეთისხილთან ერთად სხვა სასოფლო-სამეურნეო კულტურებიც გაშენდება.
მარკ ჰეინეს დენიელი ბიზნეს კონსულტაციებს უწევს მსოფლიოს წამყვან კომპანიებსა და სხვადასხვა ქვეყნების მთავრობებს. ამ ეტაპზე იგი მზად არის საქართველოს სოფლის მეურნეობის სამინისტროს სტრატეგიის შემუშავებაში და რაც განსაკუთრებით მნიშვნელოვანია, მსხვილი ინვესტორების მოზიდვაში აღმოუჩინოს დახმარება.
