ახალი მოდელის ტელეფონებზე არსებული მზარდი მოთხოვნის მიუხედავად, საქართველოში სატელეფონო აპარატების იმპორტი შემცირებულია.
როგორც სტატისტიკის ეროვნული სამსახურის ვებ-გვერდზეა მითითებული, 2012 წლის იანვარ-ოქტომბერში საზღვარგარეთის ბაზრებიდან 95 მლნ 913 ათას 300 დოლარის სატელეფონო აპარატებია (ფიჭური ან სხვა უსადენო ქსელებისთვის) შემოტანილი. ხოლო რაც შეეხება აღნიშნული მაჩვენებლის შედარებას, გასული წლის ანალოგიურ პერიოდთან, სახეზეა, რომ ქვეყანაში შემოტანილი სატელეფონო აპარატების თანხობრივი მოცულობა ამჟამინდელ მაჩვენებელთან შედარებით მაღალია, ანუ თანხობრივად წელს უფრო ნაკლები სატელეფონო აპარატების იმპორტი მოხდა ვიდრე გასული წლის ანალოგიურ პერიოდში. „საქსტატის" ინფორმაციით, 2011 წლის იანვარ-ოქტომბერში ქვეყანაში 110 მლნ 651 ათას 500 დოლარის სატელეფონო აპარატია შემოსული.
