დედაქალაქის საახალწლო განათება, წელს, თბილისის მერიას 796 000 ლარი დაუჯდება. განათებების მონტაჟი თბილისის გარეუბნებიდან უკვე დაიწყო და 20 დეკემბერს დასრულდება.
გავრცელებული ინფორმაციით, სამუშაოს შპს "სინათლის ქალაქი" შეასრულებს, რომელმაც საახალწლო ღონისძიებებისათვის ილუმინაციებისა და აქსესუარების მონტაჟის, ექსპლუატაციისა და დემონტაჟის მომსახურების შესყიდვაზე გამოცხადებული ტენდერი ოქტომბერში მოიგო. ტენდერზე მხოლოდ ერთი კომპანია იყო წარმოდგენილი. მერიამ კომპანიასთან ხელშეკრულება 29 ოქტომბერს გააფორმა.
