ირანის ისლამური რესპუბლიკის ხელისუფლებამ, ამერიკული ფლოტი სპაერსეთის ყურესა და არაბეთის (ომანის) ზღვაში მოწყობილ პროვოკაციებშა და უკანონო ქმედებებში დააადანაშაულა. ამის შესახებ ირანმა წერილი გაერთიანებული ორგანიზაციის გენერალურ მდივანს, პან გი მუნს მისწერა.
წერილში ნათქვამია, რომ ამერიკის შეერთებული შტატების სამხედრო-საზღვაო ძალებმა ქვეყნის საჰაერო სივრცე დაარღვიეს. ირანელების ინფორმაციით, განხორციელდა შვიდი გაფრენა, ბუშერის რაიონების სანაპიროების მიმართულებით, ასევე, გაშვებულ იქნა ერთი უპილოტო თვითმფრინავი, რომელმაც დააიგნორა ყველა რადიოგაფრთხილება და დაარღვია ირანის საჰაერო სივრცე.
ირანელი დიპლომატები პან გი მუნს სთხოვენ, გააფრთხილოს ამერიკის შეერთებული შტატები, მათი მხრიდან საერთაშორისო სამართლის კანონების დარღვევის შესახებ და ვაშინგტონის მოქმედებას პროვოკაციული და საშიში ქმედების ფორმულირება მისცენ.
შეგახსენებთ, რომ უპილოტო თვითმფრინავთან დაკავშირებული ინციდენტი ჯერ კიდევ 1-ელ ნოემბერს მოხდა. აპარატმა დაარღვია ირანის საჰაერო სივრცე და ირანის ტერიტორიაზე 100 კილომეტრის სიღრმეში შეიჭრა. ირანის სამხედრო-საჰაერო ძალებმა აპარატის მისამართით გასროლა განახორციელეს და ჩამოაგდეს.
უფრო ადრე ირანის გენერალური შტატბის მეთაურის მოადგილემ, ბრიგადის გენერალმა მასუდ ჯაზაერიმ განაცხადა, რომ ირანელი სამხედროები აღკვეთავენ ნებისმიერ მცდელობას, რომელიც მათი ქვეყნის საჰაერო სივრცის დაღვევისაკენ იქნება მიმართული. თავის მხრივ, პენტაგონის წარმომადგენელმა, ჯორჯ ლითლმა აღნიშნა, რომ უპილოტო თვითმფრინავზე თავდასხმა არა ირანის ტერიტორიაზე, არამედ საერთაშორისო საჰაერო სივრცეში მოხდა და პირიქით, თეირანმა დაარღვია საერთაშორისო კანონმდებლობა.
