საქართველოში ელექტროენერგიის ტარიფი შესაძლოა 4 თეთრით შემცირდეს, თუმც საბოლოო გადაწყვეტილება საქართველოში „ინტერ რაოს" წარმომადგენლების საქართველოში ვიზიტისას გადაწყდება.
როგორც ენერგეტიკისა და ბუნებრივი რესურსების მინისტრის მოადგილე ილია ელოშვილი განმარტავს, ელექტროენერგიის შემცირებაზე ორივე მხარე მზადყოფნას გამოთქვამს. ილია ელოშვილის განმარტებით, „ინტერ რაო" წარმომადგენლები საქართველოში 29 ნოემბერს ჩამოდიან.
შეხვედრაზე ასევე განხილული იქნება „თელასის" მიერ დათხოვნული თანამშრომლებისა და გაფიცულთა პრობლემები. თუმცა მანამდე „ინტერ რაომ" თელასის მენეჯმეტის ცვლილება უკვე განახორციელა და კომპანიის გენერალური დირექტორად დევი კანდელაკი დანიშნა.
„ამ შეხვედრების დროს უნდა გაირკვეს რიგი საკითხები, რომელიც აუცილებელია იმისათვის, რომ „თელასმა" შეფერხების გარეშე იფუნქციონიროს: მათ შორის იქნება ტარიფებისა და გაფიცულების საკითხი. თუ კი მოხდება ტარიფების შემცორება ეს იქნება არაუმეტეს 4 თეთრისა"- აცხადებს ილია ელოშვილი.
როგორც ცნობილია, ახალმა მთავრობამ პირობა დადო, რომ საქართველოში ენერგეტიკული ტარიფი შემცირდებოდა. უმაღლეს დონეზე იყო გაკეთებული განცხადება, რომ ტარიფები განახევრდებოდა, თუმცა საბოლოოდ მთავრობამ საკუთარი დანაპირები უკან წაიღო და აღიარა, რომ დაანგარიშებისას შეცდა და ტარიფების განახევრება ვერ მოხდება.
